(415) SOUS LE RÈGNE DE CHARLES Vl. 175

tres, et aussy les religieuses de la dicte ville aient le dit jour chascun un petit blanc.

Item, voult et ordena, que ou cas que Pierre l'Alemant de Brive auroit baillie deux escus, c'est assavoir, vint cinq soulz Tournois à la mere du dit testateur, et vint soulz Tournois à sa femme, que ilz soient restituez au dit Pierre l'Alemant.

Item, voult et ordena que l'en paie à la Guillermine, qui a esté sa chamberiere et demouré en son hostel, vint soulz Tournois, se paiez ne lui ont esté.

Item, il voult que soient paiez diz soulz Tournois au prevost de la Soubzterrine, auquel le dit testateur les devoit pour cause de prest.

Item, que aussy soient paiez à une mercière demourant en la rue de la Maignenie à Limoges vint soulz Tournoiz que icellui testateur lui devoit pour cause de prest.

Item, que pareillement soit paié à un mercier qui demeure à Limoges en la rue des Tables, et sont deux freres demourans ensemble, demi franc que il lui doit pour denrrées prinses de lui, et si voult et ordena, que se il leur devoit plus et aussy à autres, que ilz soient paiez et que ilz soient creuz par leurs sermens de ce qu'ilz affermeront leur estre deu.

Item, voult et ordena que à Marcial Bize de Limoges soient paieez quatre livres Tournois dedens quatre ans, c'est assavoir, chascun an un franc, jusques à fin de paie.

Item, que le seigneur de Donzenac soit paié de deux escus que il lui doit par Perrotin de Pradines, sur et en deduccion de quatre escuz que il doit au dit testateur, et les deux autres escuz il paie aux heritiers d'icellui testateur.

Item, il voult et ordena que les joyaulx que il bailla à sa femme le jour de leurs nopces et aussy les robes d'elle soient et demeurent à ycelle sa femme, et que l'instrument, fait sur le fait du douaire demeure en sa force et vertu.

Item, ycellui testateur fist, ordena, institua et establit son heritiere Doulce,sa fille, et ou cas qne elle yroit de vie à trespassement en pupil-



	(415) SOUS LE RÈGNE DE CHARLES Vl. 175 tres, et aussy les religieuses de la dicte ville aient le dit jour chascun un petit blanc. Item, voult et ordena, que ou cas que Pierre l'Alemant de Brive auroit baillie deux escus, c'est assavoir, vint cinq soulz Tournois à la mere du dit testateur, et vint soulz Tournois à sa femme, que ilz soient restituez au dit Pierre l'Alemant. Item, voult et ordena que l'en paie à la Guillermine, qui a esté sa chamberiere et demouré en son hostel, vint soulz Tournois, se paiez ne lui ont esté. Item, il voult que soient paiez diz soulz Tournois au prevost de la Soubzterrine, auquel le dit testateur les devoit pour cause de prest. Item, que aussy soient paiez à une mercière demourant en la rue de la Maignenie à Limoges vint soulz Tournoiz que icellui testateur lui devoit pour cause de prest. Item, que pareillement soit paié à un mercier qui demeure à Limoges en la rue des Tables, et sont deux freres demourans ensemble, demi franc que il lui doit pour denrrées prinses de lui, et si voult et ordena, que se il leur devoit plus et aussy à autres, que ilz soient paiez et que ilz soient creuz par leurs sermens de ce qu'ilz affermeront leur estre deu. Item, voult et ordena que à Marcial Bize de Limoges soient paieez quatre livres Tournois dedens quatre ans, c'est assavoir, chascun an un franc, jusques à fin de paie. Item, que le seigneur de Donzenac soit paié de deux escus que il lui doit par Perrotin de Pradines, sur et en deduccion de quatre escuz que il doit au dit testateur, et les deux autres escuz il paie aux heritiers d'icellui testateur. Item, il voult et ordena que les joyaulx que il bailla à sa femme le jour de leurs nopces et aussy les robes d'elle soient et demeurent à ycelle sa femme, et que l'instrument, fait sur le fait du douaire demeure en sa force et vertu. Item, ycellui testateur fist, ordena, institua et establit son heritiere Doulce,sa fille, et ou cas qne elle yroit de vie à trespassement en pupil-